Неодамна почина нашиот драг пријател Томаш Забрански. Тој беше светски познат и почитуван во меѓународната медицинска заедница, благодарение на неговите напори за промена на политиката за дроги, истражувањата поврзани со канабис и борбата за легализација. Има дипломирано на Медицинскиот факултет на Универзитетот Палачки, Оломоуц во 1993 година (М.Д.); завршил докторат Д-р по епидемиологија, хигиена и превентивна медицина од истиот универзитет во 2001 г. Тој беше соработник на истражувањето Х. Хамфри/НИДА на Факултетот за јавно здравје Џон Хопкинс Блумберг, САД, професионално поврзан со Центарот за истражување на политики за дроги на РАНД Корп. Тој се залагаше за легализација на медицинскиот канабис во Чешка и помогна да се протурка Законот за медицински канабис во чешкиот парламент. Од 2014 година, тој служеше како советник за политика на дроги на чешкиот премиер и како пратеник на чешкиот министер за здравство за имплементација на медицински канабис во чешкиот медицински систем и за нелегални проблеми со дроги.
Томаш работеше како експерт за епидемиологија од дроги и следење на состојбата со дроги во бројни проекти на ООН и ЕУ. Во 2015 година, тој беше избран од Парламентот на ЕУ за (независен) член на Управниот одбор на Европскиот центар за набудување на дрога и зависности. Исто така во 2015 година, тој организираше Конференција за медицински канабис, меѓународен собир на научници, политичари, активисти, бизнисмени и пациенти – на тој начин создаде платформа за дискусија, која помогна да се протурка неговата главна цел – да се направи лек од канабис достапен за сите што имаат потреба.
Забрански учествуваше на неколку конференции и настани организирани од ХОПС и ќе го паметиме како извонреден експерт и многу драг човек.