Колку од тоа што го знаеш за психоактивните супстанции е навистина точно?
Информациите за дрогите често доаѓаат од различни извори – од лично искуство и приказни од други, до социјални мрежи, медиуми и интернет. Но, меѓу фактите често се провлекуваат митови, дезинформации и совети што можат да донесат дополнителни ризици.
Затоа ја создадовме кампањата „Разјасни си ја сликата“ – простор со проверени, разбирливи и практични информации за различни психоактивни супстанции, подготвени според принципите на намалување на штети.
Овде можеш да дознаеш како делуваат различните супстанции и колку траат нивните ефекти, кои се можните ризици, што може да се случи при мешање со други супстанции и кои практични чекори можат да помогнат во намалувањето на штетите.
Без заплашување. Без осудување. Без митови.
Затоа што пристапот до точни информации не значи охрабрување на употребата. Тоа значи можност да се препознае ризикот, да се избегнат опасни ситуации и да се донесат поинформирани и побезбедни одлуки.
Избери супстанција и прочитај го деталниот водич:
Информирај се. Разјасни си ја сликата.
Кампањата „Разјасни си ја сликата“ е реализирана со финансиска поддршка обезбедена преку Донаторскиот кружок, организиран од Конект, како и со поддршка од Општина Центар. Ставовите и содржините изнесени во рамки на кампањата се одговорност на ХОПС – Опции за здрав живот Скопје.