Повик за ангажирање лица за поддршка на работењето на Јавната установа за згрижување деца “Служба за заедничко живеење на деца со нарушено поведение” и на Јавната установа Детски дом 11 Октомври, Скопје

Во рамките на проектот „Креативни и едукативни активности за поддршка на деца во мали групни домови и поправни установи во период на самоизолација предизвикана од Ковид 19“ поддржан од УНИЦЕФ канцеларијата во Скопје, финансиран од УСАИД, кој го спроведува ХОПС, објавуваме:

ПОВИК

за ангажирање лица за поддршка на работењето на Јавната установа за згрижување деца – Служба за заедничко живеење на деца со нарушено поведение и на Јавната установа Детски дом 11 Октомври, Скопје

Цел: Обезбедување и спроведување активности за децата сместени во малите групни домови.

Работни задачи:

• Помага при вршење прием на корисник на услуги во мал групен дом, воспоставува врска нa доверба и сигурност;
• Го организира секојдневното живеење на корисниците на услуги, работи на создавање здрави животни навики, на осамостојување и стекнување конкретни вештини;
• Води комплетна документација, ги поддржува корисниците во воспитно-образовниот процес, презема чекори за обезбедување нивна здравствена заштита;
• Осигурува дека се почитуваат мерките на Владата во поглед на справување со КОВИД-19;
• Го стимулира и поттикнува интелектуалниот капацитет на корисниците, влијае на развојната динамика на личноста;
• Врши надгледување на дневните активности и рутини на децата;
• Oбезбедувa можности за негување на личните вештини и интереси на децата;
• Oрганизира разни друштвено-рекреативни активности, следејќи ги мерките за заштита
• Обезбедува поддршка за одржување редовен контакт со центрите за социјална работа со цел поттикнување и олеснување на контактот со биолошкото семејство/старателите на детето.

Профил и квалификации:

• Завршено релевантно образование во областа на социјалната работа, психологија, педагогија, дефектологија;
• Возачка дозвола;
• Познавање на системот за социјална заштита во Република Северна Македонија (права и институции од системот на социјална заштита);
• Познавање на системот на детска заштита во Република Северна Македонија;
• Капацитет за работа под притисок;
• Способност за работа во тим;
• Флексибилност и достапност за работа во различни смени и за време на викенди.

Искуство:

• Најмалку една година релевантно работно искуство.

Времетраење на договор: 3 месеци – со можност за продолжување.

Месечен паричен надоместок: 30 470 мкд – бруто износ.

Заинтересираните кандидати е потребно да испратат своја кратка биографија (CV) и писмо за мотивација на следната е-маил адреса: silvanan@hops.org.mk, не подоцна од 30.04.2020 до 16 часот. Лицата кои ќе бидат селектирани ќе бидат поканети на понатамошно интервју.