Во период од 13-ти до 15-ти април, Здружението ХОПС – Опции за здрав живот Скопје ќе реализира три еднодневни обуки во Струмица, Битола и Скопје на тема: “Постапување со жени жртви на родово базирано насилство кои употребуваат дроги”, наменети за професионалци кои работат со жртви на родово базирано насилство.
Обуките ќе ги предводат проф. Д-р Лилјана Игњатова од Медицинскиот факултет Скопје, Катедра за психијатрија и Хајди Штерјова Симоновиќ – извршна директорка на Здружението ХОПС – Опции за здрав живот Скопје.
На обуките ќе биде презентиран “Водичот за постапување со жени жртви на родово базирано насилство кои употребуваат психоактивни супстанции”, изготвен од проф. Д-р Лилјана Игњатова.
Преку овие обуки се залагаме за сензибилизација на професионалците кои работат со жени кои употребуваат дроги, жртви на родово базирано насилство.
Обуките се организирани од страна на Здружението ХОПС – Опции за здрав живот Скопје поддржани од страна на Eurasian Harm Reduction Association (EHRA) како дел од проектот “Пристап до сеопфатна грижа за жени кои употребуваат дроги во случаи на насилство” финансиран преку COVID-19 Response Mechanism (C19RM) на Global Fund to Fight AIDS, Tuberculosis and Malaria како дел од регионалниот проект “Sustainability of services for key populations in the Eastern Europe and Central Asia region” (#SoS_project) имплементиран од Alliance for Public Health.