Орегон станува првата американска држава што го декриминализира поседувањето на тешки дроги

0

Во Орегон, гласачите влегоа во историјата со донесувањето на првиот државен закон во САД за декриминализирање на поседувањето тешки дроги, вклучително хероин, кокаин и ЛСД.

Орегон влезе во историјата со мерката 109, која ја легализира терапијата со псилоцибин и мерката 110, со што се декриминализира поседувањето дрога. Успехот на мерката 110, кој помина со скоро 60% од гласовите, прави Орегон да биде првата држава што го декриминализира поседувањето на повеќето дроги, вклучително и хероин.

Мерката исто така пренаменува некои приходи од данокот за канабис, за да помогне во финансирање на нови државни услуги за третман на зависности.

Во меѓувреме, со усвојувањето на мерката 109, Орегон е и првата држава што го легализира псилоцибинот, халуциногените печурки за медицинска употреба. Мерката поминала со 56% поддршка. Според иницијативата, здравствениот орган во Орегон сега има задача да создаде програма за терапија со помош на псилоцибин каде што лиценцираните установи ќе го администрираат лекот во контролиран, терапевтски амбиент.

Најновите истражувања покажуваат дека псилоцибинот има медицински потенцијал против тешка депресија, што ја натера ФДА да го обележи психоделикот како потенцијална „напредна терапија“.

 

Leave A Reply

This site uses Akismet to reduce spam. Learn how your comment data is processed.