Приватно здравствено осигурување може да стекнат лица на кои им е утврдено својство на осигуреници и осигурени лица во системот на задолжителното здравствено осигурување, согласно со прописите од задолжителното здравствено осигурување. Друштвото за осигурување е должно да ги осигура осигурениците со еднакви права и обврски од приватно здравствено осигурување.
Но, според политиките и практиките на осигурителните компании, право на приватно здравствено осигурување можат да стекнат здрави лица, на кои им е утврдено својство на осигуреници во системот на задолжителното здравствено осигурување. Ваквите дискриминаторски политики и практики се на штета на луѓето кои употребуваат дроги и истите веднаш ги исклучуваат од можноста да се осигураат со приватно здравствено осигурување, односно им го оневозможуваат остварувањето ова право.
Видеото е изработено во рамките на проектот “Прекршувања на здравствени права на луѓето кои употребуваат дроги поврзани со бариерите при пристап до третман и други здравствени услуги, вклучувајќи и намалување на штети за време на Ковид-19” кој е финансиски поддржан од Eurasian Harm Reduction Association (EHRA) и Robert Carr Fund for civil society networks (RCF), реализирано од Здружение ХОПС – Опции за здрав живот Скопје.
#ЛекувањетоЕПравоНеПривилегија!