Безбедно инјектирање

0

„Безбедното инјектирање не му нанесува штета на примателот, не го изложува на ризик оној што го врши инјектирањето и не создава отпад и опасност за заедницата.“ – Светска здравствена организација

Ако веќе мораш да инјектираш дрога послушај ги следниве совети:

  • Немој никогаш да инјектираш дроги кога си сам/сама. Потруди се во твоја близина да има некој кој ќе може да ти помогне ако се случи нешто несакано.
  • Најди сигурно место каде што нема никој да те вознемирува околу 20-30 минути.
  • Потруди се рацете да ти бидат чисти.
  • Секогаш имај на располагање нова опрема за инјектирање и повеќе игли. Никогаш, никогаш немој да користиш игла, шприц, кукер, вата, што некој друг ги користел, колку и да сте блиски.
  • Секогаш подготвувај помала количина за инјектирање, бидејќи не го знаеш квалитетот на дрогата.
  • Гледај да користиш помала количина на лимонтус при припрема на хероин.
  • Одбери ново место за инјектирање т.е. секој нареден убод  да биде на друго место и во нова вена. Често боцкање во иста вена прави поголема штета.
  • Боцкај исклучиво во површински вени на рацете и на нозете. Избегнувај ги дланките, стапалата и длабинските вени.
  • Стегни го местото над вената, дезинфицирај го местото кај што планираш да боцнеш поминувајќи само еднаш со памук натопен во алкохол или со алкохолно марамче.
  • Секогаш боцкај во правец на срцето и под агол.
  • Ако има темна крв на влезот од шприцот значи дека иглата е во вената.
  • Извади го стегачот и инјектирај пополека. Така ќе избегнеш да се предозираш.
  • Ако се појави оток, печење и/или болка постои можност иглата да не е повеќе во вената. Веднаш извади ја и повеќе не боцкај на истото место.
  • После инјектирање со чисто марамче покриј го местото на кое продрела иглата околу 5 минути за да спречиш крварење.
  • За нов обид одбери ново место за инјектирање т.е. секој нареден убод треба да биде во друга вена и повтори го секој чекор од погореопишаната постапка.
  • Расчисти го просторот околу тебе. Никогаш не расфрлај игли и шприцови и друга опрема во околината.
  • Употребената опрема донеси ја во центарот за размена на опрема, за да биде правилно уништена.

Доколку лицето кое инјектирало е во безсознание, отежнато или не дише, повраќа, има грчеви, бледо е или модро на усните постои можност да е предозирано. Намести го во recovery position односно во странична положба на телото и повикај брза помош. Остани со него додека да пристигне медицинската екипа.

Share.

Leave A Reply

This site uses Akismet to reduce spam. Learn how your comment data is processed.