Легализација на дрогите од гледна точка на Гардијан: време е да бидеме разумни!

0

Зависноста, трговијата со луѓе и затворските казни предизвикуваат огромна штета. Велика Британија мора да земе пример како да ги намали штетите од оние држави кои што се обидуваат да ги најдат соодветните решенија.

Законите за дроги би требало да бидат дизајнирани така како би придонеле да се минимализираат штетите од употребата на дрога. Ова можеби звучи очигледно, но законите за дроги во Велика Британија, како и законите во повеќе други земји веројатно немаат ваков ефект. Постои силен аргумент дека во многу погледи, комплетната забрана на супстанциите како што се канабис и хероин, заедно со огромен број други синтетички супстанции, предизвикува повеќе штета отколку добро.

Експертите за дроги во Велика Британија и низ целиот свет со години наназад, заедно со поранешниот претседател на Колумбија, Хуан Мануел Сантос, ги посочувале недостатоците и недоследностите во тековната политика и се залагаат за нов пристап кој ќе биде фокусиран на човековите права и подобрување на пристапот до јавно здравство.

Во Велика Британија, анкетите покажале дека мнозинството ја поддржува либерализацијата на законот за канабис, по примерот на Португалија. Но, бидејќи оваа промена на ставовите на јавноста досега е игнорирана од Министерството за внатрешни работи, наместо тоа тие донеле вонредна забрана за таканаречените „правни достигнувања“ во 2016 година.

Двајца поранешни министри, Либ Дем Норман Ламб и конзервативецот Џонатан Џаногли, заедно со Дејвид Лами, биле во Канада да известуваат за легализацијата на канабисот за  еден краток документарен филм на Би-Би-Си, и одговорите со кои се вратиле биле разнолики. Регулацијата, се испоставува, не е никаков чудотворен лек, со оглед на тоа дека црниот пазар и покрај тоа се уште напредува. Но, пратениците покажале дека е можно да се размислува за оваа тема на засилен начин и да се научат нови работи.

Доказите за злобните и дестабилизирачките ефекти на бизнисот со нелегални дроги и на производителот и на земјите-потрошувачи не се нови. Картелите со дрога кои се обвинети за високата стапка на смртност чиј број изнесува над 200 000 лица во Мексико во текот на изминатата деценија, сега го насочија своето внимание кон синтетичките опиоиди со што предизвикаа епидемија на зависност во Америка. Филипинскиот претседател, Родриго Дутерте беше сведок на убиството на над 5.000 луѓе во неговата уникатно убиствена верзија на глобалната „војна против дрогата“.

Стапката на смртност од употреба на дрога во Шкотска се искачи на највисоко ниво во светот. Како и во САД, оние што се осудени за злоупотреба на дрога и лишени од слобода се несразмерно црни мажи и момчиња.

Висок владин функционер, Мајкл Гов, признал дека неколку пати има користено кокаин, но против него не било покрената никаква постапка. Поттикнати од признанијата меѓу своите редови, министрите треба да се состанат со мирни и мудри глави заедно најрано што можат. Полициското работење и казната се клучни парчиња на оваа сложувалка. Велика Британија повеќе не треба да чека  за рационален пристап за дрога базиран на докази.

Извор

Share.

Leave A Reply

This site uses Akismet to reduce spam. Learn how your comment data is processed.