ПРОГРАМА ЗА ПОДДРШКА НА СЕКСУАЛНИ РАБОТНИЦИ - МАРИЈА

Програмата за поддршка на сексуални работници (СР) - МАРИЈА, почна да се имплеменира во јануари, 2000та година како проект чии активности беа насочени кон лицата кои нудат сексуални услуги во Скопје. Во 2008 програмата ги прошири теренските актвивности и во Струмица и Гостивар, а во 2009 и во Охрид.

Во текот на досегашното континуирано работење ХОПС преку оваа програма оствари контакти со околу 600 сексуални работници, нивни семејства, партнери и клиенти, разви теренски активности преку кои промовира и поддржува безбедно однесување на индивидуално и локално ниво, и увидувајќи ги потребите разви сервиси за подобрување на нивната социјална и здравствена состојба, кои воедно работат и на овозможување и подобрување на комуникацијата со релевантните социјални, здравствени и правни институции и организации.

Сите услуги кои се нудат во програмата се бесплатни и анонимни.

ОПШТА ЦЕЛ НА ПРОГРАМАТА:

Промоција и унапредување на правата на сексуалните работници и нивните семејства во Македонија со цел подобрување на нивниот здравствен, социјален и економски статус преку овозможување сервиси, зајакнување на заедницата, подигање на капацитетите на професионалците, истражување, застапување и лобирање.

ТЕКОВНИ АКТИВНОСТИ НА ПРОГРАМАТА

1. Теренска работа за превенција на ХИВ/СИДА и други СПИ помеѓу сексуални работници:

- дистрибуција на бесплатни кондоми;
- дистрибуција на бесплатни лубриканти;
- дистрибуција на стерилна опрема за инјектирање на клиентките кои воедно инјектираат дрога;
- дистрибуција на печатени материјали
- давање совети и информации за безбеден секс и безбедно однесување (превенција на ХИВ/СИДА, Хепатит Б и Ц, СПИ, контрацепција, правилна употреба на кондом и сл, штетни последици од употреба на дрога);
- давање информации за останатите сервиси/услуги кои стојат на располагање;
- ширење на мрежата на контакти;

2. Теренска работа за превенција на ХИВ/СИДА и други СПИ помеѓу клиентите на сексуалните работници:
- дистрибуција на бесплатни кондоми;
- дистрибуција на печатен материјал и информации за безбеден секс и безбедно однесување (правилна употреба на кондом, ХИВ/СИДА и други СПИ и сл), достапни сервиси за тестирање и третман на СПИ, ХИВ/СИДА и сл;
- теренско доброволно и доверливо советување и тестирање за ХИВ;

3. Социјални услуги за СР и нивните семејства:

- помош при добивање на документи за лична идентификација (консултации и материјална помош за покривање на административни трошоци од фондот за документи креиран за таа намена);
- информации и консултации за добивање на социјална помош;
- информации и консултации за добивање на здравствено осигурување;
- препраќање, посредување и придружување на клиенти во владини институции и помагање при процедури;
- психо-социјална поддршка;
- посета на клиент во негово живеалиште, во институција или здравствена установа;
- контакти со семејството, работа со децата и сл.

4. Медицински услуги за СР и нивните семејства:

- организирање едукативни работилници за сексуално и репродуктивно здравје, ХИВ/СИДА и други СПИ;
- бесплатни гинеколошки прегледи, ПАП тестови и контрацепција за клиентки кои по никој основ не остваруваат право на здравствено осигурување;
- третирање на рани од погрешно инјектирање, информирање за видовите третмани кои постојат во Македонија, консултации и препраќање до истите за СР кои воедно употребуваат дрога. Овие услуги се нудат во соработка со Програмата за Намалување на штети за употреба на дрога, од страна на медицинскиот тим кој функционира во рамките на истата;
- доброволно и доверливо советување и тестирање за ХИВ;

5. Правна помош и советување за СР и нивните семејства:

- правни совети од областа на граѓанско, кривично, семејно, имотно, управно, социјално и друго право;
- изготвување правни документи (жалби, барања и сл)
- помош и придружување низ различни правни процедури;
- подигање на свесноста за ризиците од сексуална експолатација и трговија со луѓе и заштитните механизми кои стојат на располагање;
- подигање на свесноста за основните човекови права, механизмите и институциите за заштита во случај на повреда на истите преку индивидуални консултации и организирање на работилници;
- документирање на случаи на кршење на човекови права;

6. Психолошка помош за сексуалните работници и нивните семејства

- Индивиуални советувања и психотераписки сеанси со СР
- Психолошки тестирања
- Советувања во семејството
- Групни вежби и дискусии за психолошски теми
- Креативни работилници
- Индивидуални и групни советувања со вработените во тимот

7. Овозможување услуги во Дневен центар за сексуални работници и нини семејства

- одржување лична хигиена - туш и тоалети
- перење и сушење на алишта
- топол оброк, чај, кафе
- ”салон за убавина” – шминка, фризури, маникир
- пиер едукативни сесии
- тематски работилници/едукации
- групна социјална работа
- групни активности со деца на сексуални работници (описменување, помош при изготвување домашни задачи, јакнење на лични и социјални вештини)
- социјални, правни и психолоШки услуги, кондоми, лубриканти, печатени материјали – истите услуги што стојат на располагање и на терен

ФОНДЕРИ И ПАРТНЕРИ

Од 2000 - 2003 година, активностите на програмата беа финансиски поддржани од Фондацијата Институт Отворено Општество Македонија.

Во 2003 - 2004 година, теренските активности финансиски ги поддржа и ПСИ Романија.

Почнувајќи од 1ви Ноември 2004 година, во соработка со Министерство за здравство и Националната комисија за ХИВ/СИДА во Македонија при Владата на Р.М, програмските активности целосно се поддржани од Глобалниот Фонд за борба против ХИВ/СИДА, туберкулоза и маларија, во рамките на Националната стратегија за ХИВ/СИДА (2003-2006, 2007-2012).

За одредени проектни активности како промоција и заштита на човекови права, превенција на трговија со луѓе и сексуална експлатација, зајакнување на заедницата на сексуални работници ХОПС има добивано поддршка и од ОБСЕ, ИОМ, Х-У Фонд на Солидарноста, СОАИДС итн.

Преку програмата за поддршка на СР, ХОПС остварува активно партнерство во регионалната Мрежа за застапување на правата на сексуалните работници SWAN (Sex work Advocacy Network, www.swannet.org), заедно со уште 15 организации од Источна Европа и Централна Азија, и во европската мрежа Интернационален комитет за Правата на Сексуалните работници во Европа (IERCSE, www.sexworkeurope.orgНа национално ниво програмата соработува со повеќе здруженија на граѓани и е активен член на различни неформални мрежи и коалиции од кои најактвни во моментов се Коалицијата за промоција и заштита на здравствените и ексуални права на сексуалните работници и ЛГБТ/МСМ популацијата во Македонија и Македонската мрежа за намалување на штети (ММНШ).

Лице за контакт:

Марија Тошева
Директор на Програма за поддршка на СР
ХОПС – Опции за здрав живот

Ул.Христо Смирненски 48-1/6
1000 Скопје, Македонија

Тел/фах: (02) 3246 205, 3246 210
е-маил: marijat@hops.org.mk
www.hops.org.mk

Друго

SWAN + Newsletters

Декларација на правата на сексуалните работници - Europe Sex Work

Манифест на сексуалните работници во Европа

Варшавска изјава на застапниците за здравје и права на сексуалните работници

Дневен Центар за Жени при ХОПС е ПОДДРЖАН од: