Програма за намалување на штети

Програма за намалување на штети
Програма за Намалување на штетата е базична програма на ХОПС. Всушност ХОПС стартува токму со оваа програма во 1997 година. Програмата е насочена кон намалување на штетните последици од користењето на дроги а пред се кон намалување на ризикот од:
ХИВ/СИДА
Хепатит Б, Ц и други крвно и сексуално преносливи инфекции
Предозирање
Д руги здравствени последици
Социјални штети
се базира на служби и асистенција според т.н. низок праг и повеќе сервиси под ист кров, а се стреми кон подобрување на здравствената и социјјалната состојба на корисниците преку:
- Теренска работа
- Размена на опрема за инјектирање и делење кондоми
- Едукација и информација
- Основна медицинска помош
- Социјални услуги
- Правни услуги
Овие активности се вршат во 3 дроп ин центри и на терен.

Дроп ин
Дроп ин центрите се наоѓат во скопската чаршија, Шуто Оризари и Капиштец. Типичен пример за сервиси под ист кров каде во пријателска атмосфера корисниците можат да ги добијат сите потребни услуги:

- размена на стерилна прибор за инјектирање
- бесплатни кондоми
- услуги и советување од медицинско лице
- услуги, информирање и советување од социјален работник
- услуги, информирање и советување од правно лице
- едукација за ХИВ/СИДА, хепатит и други крвно и сексуално преносливи инфекции
- анонимно и бесплатно тестирање за ХИВ/СИДА
- едукација за безбедно инјектирање и безбеден секс
- информација за видовите на третман
- мотивирање за третман

Сите услуги се бесплатни и анонимни

Контакт:

ДТЦ Мавровка, Скопје
Тел: 02 3 130 058
Работно време
Понеделник - Петок, 14 - 18 часот
е-mail: silvanan[at]hops.org.mk

Шуто Оризари: Ул Шуто Оризари бр. 54
Тел: 075 528 260
Работно време
Понеделник - Петок, 10 - 16 часот
e-mail: tomislavr.hops [at] gmail.com

Капиштец: Киро Гавриловски бр.3, Скопје
Тел:02 3 176 428
Работно време
Понеделник - Петок, 13 - 19 часот
e-mail: nikolan [at] hops.org.mk

МАПА за Дневниот Центар - Капиштец

Теренска работа
Тел: 075 769948
е-mail: hops [at] hops.org.mk
Основната цел на нашата теренска работа е да се опфатат специфични кориснички популации кои воопшто не доаѓаат или многу ретко доаѓаат во drop in центарот: Роми,  сексуални работници кои користат дроги како и корисници кои се тешко достапни. Во моментов теренската работа се одвива во сите реони  од градот Скопје и неговите приградски населби. Сите сервиси достапни во дроп ин центрите се достапни и со теренската програма. Теренската работа се изведува со теренско возило.

Терен

Размена на опрема за инјектирање и кондоми

Користењето на чиста опрема за инјектирање е најдобриот метод за превенција на ХИВ/СИДА помеѓу корисници на дроги кои инјектираат. Од 1997 година заклучно со 2008 година ХОПС има дистрибуирано 1 580 176 игли и 814 345 шприцеви на 3091 корисници на дроги.

*Вкупен број на контакти без 1997/98 година

Едукација и информација

Во рамките на програмата за Намалување на штети, тимот на ХОПС нуди едукација и информирање за: Видови на дроги и последици од нивно користење, ХИВ/СИДА , хепатит б, ц и други КСПИ, безбедно инјектирање, безбеден секс, помош во случај на предозирање итн. За таа цел се печати и бесплатно се дели едукативен материјал, брошури, флаери.

Обука на Професионален кадар

Тимот на ХОПС има организирано голем број на тренинзи за Намалување на штети и принципи на работа со корисници на дроги за Социјални работници, здравстени лица од примарната здравствена заштита и за припадниците на Министерството за Внатрешни Работи,
Обука за намалување на штети на 3 тима од Црвен Крст, и на 7 тима за намалување на штети од Кавадарци, Штип, Куманово, Охрид, Гостивар, Струмица и Битола.
Исто така, тимот на ХОПС ги обучуваше и тимовите на Medicine du monde – Белград, на Iniciative for Health – Софиа и ЦАЗАС – Подгорица

Медицинска помош

Tel: 02 3 130 058
е-mail: hops [at] hops.org.mk

Медицинскиот тим нуди основна медицинска помош за намалување на последиците од долготрајно и неправилно инјектирање:
- санирање на рани, третман на апсцеси, преврски
- советување за одржување на здравствената состојба
- советување за ХИВ/СИДА, хепатит Б, Ц и други крвно и по сексуален пат преносливи инфекции
- Анонимно и бесплатно тестирање за ХИВ/СИДА
- информирање за видовите на третмани кои постојат во земјата

Доверливо и доброволно тестирање за ХИВ/СИДА
Почнувајќи од 2004 год ХОПС овозможува и ДДСТ .Заклучно со 31.12.2006 со пауза од 6 месеци досега има направено 205 тестирања меѓу ИКД и КСР.

Социјални услуги
Tel: 02 3 130 058
е-mail: hops [at] hops.org.mk

Тимот од 4 социјални работници ги спроведува следниве услуги на терен и во drop in центарот:
- Услуги и помош за исполнување на социјалните права (право за социјална помош, здравствено осигурување итн.)
- Асистенција при вадење на потребните документи
- Поврзување со потребните здравствени и социјални институции и сместување со истите
- Нудење на информации за вработување
- Разговори со семејството итн.

*а) Информативен совет за добивање на здравствено осигурување
*б) Информативен совет за добивање социјална помош
*в) Информативен совет за добивање документи за лична идентификација
*г) Упатување до друга соодветна институција
*д) Информативен совет за добивање на правна помош
*ѓ) Советување и друг вид социотерапетска интервенција со поединец
*е) Информативен совет за добивање сместување или засолниште
*ж) Информативен совет за вработување или упатување на обука за вработување
*з) Советување и друг вид социотерапетска интервенција со групa

*s) Заедничка посета со клиент на разни институции и организации
*и) Контакти со институции во име на клиентот
*ј) Посета на клиентот во неговиот дом
*к) Посета на клиентот во здравствена институција
*л) Административен трошок за вадење на документи

*м) Материјална помош (храна, облека,лекови и др)
*н) Неформален разговор
*о) Контакт по телефон