Хомосексуалните бракови во Индија, повеќе не се казнено дело

Пет судии на Врховниот суд во Индија, се изјаснија дека хомосексуалноста повеќе не е злосторство и не е ментално растројство. 

Врховниот суд ја поништи својата одлука од 2013 година и делумно ја урна одредбата 377, т.е контроверзниот закон од британската ера, кој го забранува консензуалниот геј секс. Забраната е ирационална, неоправдана и очигледна арбитрарна, рекоа судиите. "Прифатете ме како што сум", кажал главниот судија на Индија, Дипак Мисра.

Судот пресуди дека дискриминацијата на основа на сексуална ориентација е темелно кршење на човековите права. 

Поборниците за легализација на ЛГБТ правата, ја дочекаа пресудата со силни овации пред судот. 

Здружението ХОПС – Опции за здрав живот Скопје објавува оглас за ангажирање на медицинско лице

Здружението ХОПС – Опции за здрав живот Скопје, за потребите на Програмата за намалување  на  штети  од  употреба  на  дроги,  објавува  оглас  за  ангажирање  на медицинскo лице со работно време од 20 часа неделно.

Работни обврски:

  • Базичен третман на воспаленија, рани и повреди од долготрајно и неправилно инјектирање.

  • Едукација и советување за видови на дроги, штетни последици од употребата на дроги, превенција на ХИВ, хепатит Б и Ц и други по крвен и сексуален пат преносливи инфекции.

  • Мотивирање на клиентите за лекување со постоечките модели на третман на зависности од дроги во РМ.

  • Препраќање на клиентите до соодветни институции.

  • Теренска работа според потребите на клиентите.

  • Евиденција на медицински интервенции согласно протоколите на ХОПС.

  • Подготовка на месечни, тримесечни и годишни извештаи.

Заменик градоначалничката на Париз, предлага автобус за користење на крек

Заменик градоначалничката на Париз, предложила отворање на четири нови безбедни соби за консумирање дроги во градот, како и автобус во кој луѓето ќе можат да пушат крек.

Собите за консумирање на дроги (DCRs) обезбедуваат безбедна и стерилна средина на корисниците на дроги и присуство на здравствени работници. Тие исто така им овозможуваат на маргинализираните групи, особено на бездомниците, пристап до здравствената заштита и информации за опциите за третман за кои не се свесни. 

Во Франција постојат веќе две безбедни соби за инјектирање, една во болницата Ларибоисере во Париз, каде секој ден доаѓаат околу 165 корисници на дроги и друга во градот Стразбур.

Налоксон

Предозирањето е една од водечките причини за предвремена смрт во регионот на ЦЕЕЦА. И покрај недостигот на регионални статистики кои не дозволуваат да се спроведе соодветна анализа за причините од смрт, може да се констатира дека предозирањето меѓу кои и другите причини како ХИВ и вирусен хепатитис продолжуваат да одземаат илјадници животи на луѓе кои користат дроги во регионот на ЦЕЕЦА.

Соопштение за јавност по повод Меѓународниот ден за подигнување на свеста против предозирање со дроги

Сеќавајќи се на сите кои низ годините ги загубивме како резултат на предозирање и длабоко сочуствувајќи со нивните блиски, на денешниот Меѓународен ден за подигнување на свеста против предозирање со дроги, Здружението ХОПС - Опции за здрав живот Скопје, Универзитетска клиника за токсикологија и Здружението на токсиколози на Македонија го издаваат следното соопштение:

Секоја година околу 200.000 луѓе во светот се жртви на предозирање. Во Македонија, само на Универзитетската клиника за токсикологија во Скопје во периодот од јануари 2016 до јуни 2018 година се забележани 82 случаи на предозирање, од кои 11 жени и еден адолесцент. 36 од случаите се резултат на предозирање со хероин, а 46 со метадон.


Заврши уште едно шарено лето

Од 10.08 до 22.08 се одржа летниот камп за деца во Маврово, кој што е организиран од страна на Проект Среќа. Вкупно 9 дечиња од ХОПС, распределени во две смени, беа дел од ова летно уживање.

Децата секој ден имаа можност да се стекнат со нови знаења, да запознаваат и формираат нови пријателства, да се дружат, забавуваат, спортуваат и креативно да се изразуваат. Исто така се запознаа и со природните убавини на Маврово, берејќи шумски плодови и посетувајќи ја потонатата црква. Големо задоволство за нив беа и водените лудории и спа центарот во хотел Бистра.

In Memoriam - Д-р Роберт Њуман

На 7 февруари 2013 година, нашиот колега Влатко Деков, направи интервју со сега починатиот Д-р Роберт Г. Њуман, во просториите на ХОПС. Д-р Роберт Г. Њуман е пионер на метадонската терапија, која стана безбедна замена за хероин,  човекот кој се  бореше да ја редефинира зависноста како хронична медицинска состојба. Почина на 1 август во Менхетен на 80 годишна возраст.

Како помошник комесар за здравство во Њујорк, тој ја посвети својата кариера на дестигматизирање на опиоидната зависност и третман. Исто така, беше претседател на Медицинскиот центар Бет Израел, каде што претседаваше со партнерството со  болничкиот центар „Св. Лука-Рузвелт" и други институции во 1997,  со кои заедно го формираа Continuum Health Partners.

Како администратор на болницата, д-р Њуман се залага за размена на игли за корисниците на дрога, долго пред појавата на ХИВ/СИДА. Воедно Њуман отвора три клиника, едната за амбулантско лечење на ХИВ/СИДА како и клиника која служела за хомосексуални жени и клиника за јапонски пациенти. Под негово раководство, од 2001 година,  клиниката Бет Израел станува најголем снабдувач на метадон во светот, со околу 8.000 пациенти.

Не сме сами! Посвети за луѓето кои ги загубивме од предозирање

31-ви август е Меѓународен ден за подигање на свеста од предозирање. Секоја година губиме илјадници луѓе од предозирање со алкохол, легални дроги препишани од доктори како резултат на некоја траума или болка, воедно и нелегални дроги. На овој ден сакаме да повториме дека трагедијата од предозирање може да се спречи. 

Пред две години имавме ивент во кој пишувавме посвети за оние кои ги изгубивме од предозирање, решивме оваа година истото да го повториме. А посветите се прекрасен начини на изразување на нашата љубов кон оние што ги загубија животите од предозирање. Животи кои ние секогаш ќе ги вреднуваме и славиме. А со ова сакаме да повториме дека овој проблем не е невидлив. Ова може да се случи на луѓето кои ги сакаме. 

Во спомен на Ден Биг

Ден Биг, активист во Чикаго, чиј пристап за намалување на штети со дроги е заслужен за спасување многу животи, почина во неговиот дом на 59 години.

Ден оваа битка започнал да ја води во чест на неговиот пријател и ко-основач, Џон Шилер, кој пред многу години починал од преголема доза на хероин. Уште од смртта на Шилер, Биг се залага за разумни политики за намалување на штети од дроги и започнува со дистрибуција на налоксон.

„Идејата за намалување на штети е да се користат дроги што е можно посигурно, минимизирање на заканата за здравјето на корисникот и на јавноста. Повеќето лица што се зависници од опијати не сакаат да бидат"- Биг во интервју за трибуналите во 2003 година. 

„Тие сакаат да биде поинаку. Но, тоа не е така. Најдоброто што можеме да направиме е да им помогнеме да се грижат за себе и да ја минимизираат штетата за себе и за другите додека не се подготват сами да застанат ". - Ден Биг

Оглас за ангажирање на асистент/-ка на проект

Здружението ХОПС – Опции за здрав живот Скопје, објавува оглас за ангажирање на асистент/-ка на проект.

Потребни квалификации:
  • Најмалку една година искуство во работа со проекти.
  • Одлични вештини за писмено изразување и за комуникација.
  • Познавање на OS Windows, MS Office, Интернет и социјални мрежи.
  • Одлично познавање на македонски и на англиски и јазик (говорен и пишан).
  • Добри административни и организаторски вештини.
  • Конкурентски предности

Успешниот кандидат(ка) треба да биде во состојба, ефикасно да управува со својот обем на работа, добро да функционира под притисокот на работните одговорности, да има силни интерперсонални вештини, да може да извршува повеќе рутински задачи,  да извршува административни задачи, да располага со самодоверба, да согледува детали, да негува добри колегијални во работниот колектив, да има слобода за чести патувања надвор од местото на живеење, да биде отворен/-а за прифаќање на различностите, да се согласува со мисијата и со вредностите на ХОПС.

Период на ангажман: 16 месеци, со пробен период од 2 месеци.
Месечниот бруто хонорар изнесува 600 УСД во денарска противвредност.

Pages