Ана Вернова

АНА ВЕРНОВА
 
Мајка ѝ од Битола ја прати
кај тетка ѝ во Скопје да учи
средно музичко, а потоа таа
на факс клавир запиша.
 
Сè беше некако префокусирано
на тоа постоење исфорсирано;
можеше и да се умре,
но не без испитот да се даде.
 
Така таа мајка глупа
судбината ѝ ја врза за таа клупа
како и клавирот тој тенк
кој ја прегази во последниот ден...
 
...од третиот семестер кога
генезата на таа мака тешка
врв досегна, заш` мајката
ништо друго, а главата...
 

Естонија, Шведска, Норвешка, Ирска, Велика Британија, се со највисоки стапки на смртност од предозирање во Европа

Естонија, Шведска, Норвешка, Ирска, Велика Британија и понатаму се со највисоки стапки на смртност од предозирање во Европа, според бројките откриени во новата студија за дроги во ЕУ.

Европскиот извештај за дрога 2018 ја рангира Ирска како четврта највисока земја во Европа кога станува збор за смртни случаи со предозирање предизвикани од дрога, заедно со Обединетото Кралство и зад Норвешка, Шведска и Естонија. Студијата ги опфаќа снабдувањето со дрога, користењето и здравствените проблеми, како и политиките и одговорите поврзани со дрога.

Mоментално има 78 официјални соби за безбедно инјектирање на дроги

Според последните истражувања на EMCDDA, моментално има вкупно 78 официјални соби за безбедно инјектирање на дроги кои се наоѓаат во седум земји.

Собите за безбедно инјектирање на дроги се контролирани објекти за консумирање дрога, каде што незаконската дрога може да се користи под надзор на обучен персонал. Овие соби првенствено имаат за цел да ги намалат акутните ризици од пренесување на болести преку нехигиенско инјектирање, како и спречување на смртните случаи од предозирање со дрога, а воедно и поврзување на високоризичните корисници на дрога со инстутуции за третман на зависност и други здравствени и социјални услуги. Во исто време една од целите е да се  намали употребата на дрога во јавноста и да се подобри јавното здравје во областите околу урбаните пазари на дрога.

Европски извештај за дроги 2018: Трендови и развој

Кои се најновите трендови на пазарот на дрога и кои се факторите што ги водат? Кои дроги најмногу предизвикуваат загриженост денес? Кои се најновите случувања во превенцијата, третманот и политиките поврзани со дроги? Овие и други прашања можете да ги најдете во извештајот на Европскиот центар за следење на дроги и зависности од дроги (ЕМЦДДА) кој излезе вчера на 7-ми јуни. 

Европскиот извештај за дроги 2018: Трендови и развој, обезбедува сеопфатна анализа на модели кои се појавуваат во 28 земји-членки на ЕУ, Турција и Норвешка. Извештајот може да се најде на 24 јазици.

Жолта и шопска

Седнуваш во кафана со другарите. Порачувате жолта и шопска. Вообичаено за почеток на дружбата, нели? Па добро, може да се порача и друга салата, ама овде во Македонија на шопска некако прво ни текнува. И ти прво на тоа помислуваш, дури и на зима кога патлиџаните и краставиците се поретки. А за ракија, се знае, жолта лозова. Кој може да замисли седнување во кафана без ракија и без салата?

Типично македонски. Не е дека сме гладни, ова е само за мезе, да не пиеме „на голо“.

Додека наздравувате се гледате в очи, како што е редот. И внимаваш со дното на твојата чаша да не чукнеш во отворот на чашата на оној со кого наздравуваш. Добро знаеш дека некои тоа го сметаат за тешка навреда. Хм, тоа е таа култура на пиење алкохол.

Национален извештај за напредокот на ХИВ/СИДА во САД

Одделот за здравство и социјални услуги на САД го објави Националниот извештај за напредокот на ХИВ/СИДА стратегијата (NHAS)  за 2017 година.  Шестти ваков извештај откако е формиран првиот NHAS извештај во 2010 година.  ​​​​​​​

Извештајот го изработиле членовите на Сојузната работна група на NHAS, која го координира спроведувањето и следењето на Стратегија низ федералната влада. Можете да го прочитате на HIV.gov

Една одлика на NHAS е серија од 17 индикатори кои се користат за мерење на напредокот во исполнувањето на целите на планот. Тие успеале да соберат и да претстават информации за 16 индикатори во извештајот.​​​​​​​

Патешествие на бремена жена во здравствениот систем во Берлин

Новиот филм на колегите од Drugreporter говори за Нетти и нејзиниот новореден син и препреките во здравствениот систем во Берлин.

Нетти живеејќи како сексуална работничка кој користела дрога во Берлин, била изложена на многу ризици, вклучувајќи финансиска експлоатација од макроата и дилерите и стигматизација од општеството. Го сретнала таткото на своето дете во центарот за детоксикација. Кога забременила, таа го започнлаа своето патување во социјалниот и здравствениот систем во Берлин, кој се смета за прилично добар од глобална перспектива. Сепак, таа морала да се соочи со неколку неочекувани предизвици и бариери.

Дискусија со сексуалните работници за Меѓународниот ден на сексуалните работници

Вчера во ХОПС, во Центарот за поддршка на сексуалните работници и нивните семејства, се одбележа Денот на сексуалните работници. На 2-ри јуни, се одбележува Меѓународниот ден на сексуалните работници. На овој ден во 1975 година сексуалните работници ја окупирале црквата Св. Низје во Лион, Франција. Овој историски настан се случува кога над 100 сексуални работници ја окупираат црква во знак на протест против полициското насилство и корупција. Воедно обид да се сврти вниманието за нивните лоши услови за работа.

Центарот го посетија 12 сексуални работници, кои активно дискутираа со Ивана, нашата координаторка на програмите за сескуалните работници, како и Марга нашта правничка, за правата на сескуалните работници, за значењето на овој ден и феминистичкиот манифест за поддршка на правата на сексуалните работнички. Исто така беа презентирани и моделите за сексуална работа и присутните сексуални работници беа мотивирани за поголем активизам. 

На крајот од дискусијата беше промовиран настанот ''Две од оние'' и сите присутни беа мотивирани да присуствуваат на овој настан кој што за нив е од големо значење!

Срамота! Вечер на раскажување квир-приказни.


Како и минатогодишниот Викенд на гордоста, годинава започнуваме со овој промо-настан. Неколкумина раскажувачи од јавната културна, политичка и општествена сфера раскажуваат кратки приказни за телесниот, родовиот и сексуалниот срам кој ја обележал нивната општествена ненормативност – оттаму, „квир“ како она што излегува од рамките на прифатливиот општествен код. Со овие јавно изговорени приказни, срамот се превртува и трансформира, исмејаниот станува исмејувачот – срамот се враќа назад кон оние кои занесениво својата арогантност и привилегија, претпоставуваат дека го имаат правото да бидат родова, сексуална и морална полиција, и да понижуваат.

Истакнати личности: Артур Хефтер, Алберт Хофман, Александар Шулгин, Теренс Меккена

Артур Хефтер (15.6.1859 – 8.2.1925)
 
Артур Карл Вилхелм Хефтер е германски фармаколог и професор. Роден е во Лајпциг, каде што студира хемија. Магистрира и докторира во областа на фармакологијата во 1980 година по што постигнува значајни резултати во неговата работа со алкалоиди добиени од кактусот пејотл.

Артур Хефтер е познат како хемичарот кој го изолирал мескалинот од кактусот пејотл во 1897 година, првата изолација од овој тип психоделична супстанција во чиста форма што може да се најде во природата во тоа време. Исто така експериментира со неговото дејство со тоа што ги споредувал дејствата на пејотлот и на мескалинот врз себеси. Прв се здобива со титулата психонаут поради подготвеноста да ги тестира врз себеси хемиските соединенија што ги изолирал.

Хефтер е прв претседател на Германската асоцијација на фармаколози и има голема улога во издавањето на првиот Водич по експериментална фармакологија.

Хефтер исто така бил професор по Медицинска хемија и фармакологија на Универзитетот во Лајпциг и на Универзитетот во Берн. Во 1993 година е основан Институтот за истражување Хефтер во САД во чест на д-р Артур Хефтер.
        
https://en.wikipedia.org/wiki/Arthur_Heffter
https://erowid.org/culture/characters/heffter_arthur/

Pages