Промоција на стрипот „Хашиш“

Темплум и ХОПС – Опции за здрав живот Скопје, ве покануваат на промоцијата на графичката новела  „Хашиш“ од едицијата Лифт. Автор на графичката новела според текстот на Анри Мишо е Ѓорѓе Јовановиќ. Промоцијата ќе се одржи  во МКЦ на 12 Октомври, петок со почеток од 20 часот.
 
Анри Мишо е еден од најуникатните творци на 20-от век кој покрај пишувањето поезија, проза и патеписи долги години се занимавал со сликарство. Мишо се занимава со "внатрешниот свет" на човечките соништа и кошмари. Во еден период од неговото творештво, тој користел дроги, особено мескалин, за да достигне состојба на поголема чувствителност што би влијаела врз неговата уметност.

За дрогата во клубовите

Прочитајте за работата и искуствата на социјалните работници во Одисеј, партнер на Drugreporter, кои информираат за побезбедна употреба на дрога и безбеден секс на фестивали и во клубовите во Словачка!

Во сабота вечер, тим од обучени социјални работници се упатуваат кон еден од популарните фестивали. И покрај тоа што сè уште не знаат што ќе им донесе ноќта, нивната задача е јасна - да ги контактираат нивните врсници присутни на фестивалот и да ги информираат за побезбедна употреба на дрога и побезбеден секс или да дистрибуираат кондоми. Не станува збор само за информирање, туку и за заштита на нечие здравје.

„На влезот видовме група на млади луѓе околу една девојка која што лежеше на подот и луѓето од брзата помош се обидуваа да и 'помогнат. Тоа беше еден од моментите кога сфатив дека нашите консултации за спречување на предозирање ќе бидат клучни вечерва ”- се сеќава Николета Бедусова, еден од социјалните работници на З.Г. Одисеј.

Анимиран филм за Костја Пролетарски

Започна краудфандинг кампања за довршувањето на 30 минутниот анимиран документарен филм за Костја Пролетарски. Потребна е вашата поддршка, тоа може да го сторите на ЛИНКОТ.

Приказната за Костја Пролетарски

На 19ти јуни 2009, Костја Пролетарски, корисник на дрога и активист за ХИВ, го загуби својот живот од туберкулозен менингит во Боткин Болницата во Санкт Петерсбург, Русија. Неговата смрт е резултат на тригодишно малтретирање и тортура во затворот бр. 4 во Карелија, Русија. Во Русија, каде што третман за дроги и едвај е достапен, затворската казна е единственото „решение” за проблемот со користење на дрога. Но нажалост, овие институции не лекуваат. Напротив, затворите убиваат.

Анимираниот рачно исцртан документарен филм, пропратен со оригинално аудио интервју со Костја и неговата мајка, Ирина, има за цел да го одбележи животот на Костја Пролетарски и многу други кои што не успеа да го преживеат затворскиот систем ширум светот. Овој анимиран филм е продуциран од страна на Фондацијата Рајтс Репортер, раскажан од Ања Саранг, во режија на Истван Габор Такац и цртаната рамка е од Лили Ронто.

Белград, земјата на чудата!

Бидејќи Србија сé уште нема редовни служби за намалување на штетите од употреба на дрога како и не е дозволено проверка на составот на дрогата, НВО Ре Генерација од Белград ја сними Белградската земја на чудата, за да ја расветли ситуацијата со која што се соочуваат. Погледајте го нивното видео.

Кога последицата е фатална и се јавува како резултат од конзумирање на дрога и алкохол на музички фестивал или во некој клуб, најчесто медиумите и јавноста го ставаат фокусот на тоа дека личноста која што го загубила сопствениот живот, користела илегална психоактивна супстанца. По неодамнешните настани во Србија, во текот на само еден месец, три млади лица го загубија својот живот, дебатата за безбедноста на младите лица беше насочена кон превенција за користење на психоактивни супстанци кај младите луѓе. Алатките варираат од кривично гонење преку казненото законодавство, до демонизација на културата на ноќниот живот за наводно охрабрување за користење на дроги.

Единаесетто издание на Дроги - Политики и практики

Го објавуваме единаесеттиот број на списанието Дроги - Политики и практики. Овој број го посветивме на просториите за безбедна употреба на дроги.

Просториите за безбедна употреба на дроги спасуваат животи. Тоа е веќе докажано и ние нема што повеќе да докажуваме на оваа тема. Или сепак имаме? Можеме да докажеме дека и во Македонија можат да се спасуваат животи на ваков начин. Само треба да се охрабриме да го предложиме тоа. И еве, собравме храброст да ја отвориме темава.

Јасно ни е дека во Македонија сѐ уште постојат луѓе кои сметаат дека дистрибуцијата на стерилен прибор за инјектирање дроги значи поттикнување на употребата на дроги, а ние веќе зборуваме за отворање простории во кои луѓето слободно и под надзор на лица обучени да им помогнат би употребувале дроги. Сепак нема да седиме и да чекаме да дојдат „подобри времиња“.

Оние кои што ќе го прекршат новиот закон ќе бидат казнети со казна затвор и до три години.

Швајцарија го промени казнениот код, односно од сега лицата кои што се хомофобични или трансфобични кон некое друго лице ќе се соочат со истата казна како да се однесувале расистички кон истите.

Националниот Суд во Швајцарија, со 118-60 гласа, ја изгласаа промената на казнениот код, и оние луѓе кои што ќе го прекршат овој закон ќе се соочат со казна затвор и до три години.

Матија Рејнард, кој го предложи овој закон, го прослави својот успех. Тој на социјалната мрежа Твитер напиша „Победа! Со 118 гласа ЗА, 60 против и 5 воздржани, Националниот Суд ја прифати парламентарната иницијатива против хомофобијата и трансфобијата!”

„Одличен успех за човековите права! Конечниот одговор ќе биде во Декември, во Советот на Држави.” Тој го заврши својот пост со хаштагот ЛГБТ и со емотиконот знамето на гордоста.

Објавени резултатите од истражувањето „Психотерапија со МДМА третман за социјална ансиозност кај возрасни лица“

Списанието Psychopharmacology, на 8ми септември оваа година ги објави резултатите од истражувањето во кое учествуваа вкупно 12 испитаници, на тема „Психотерпија со МДМА – третман за социјална ансиозност кај возрасни лица“.
 
На 8ми септември 2018 година, резултатите од првото клиничко истражување за психотерапија со МДМА како третман за социјална анксиозност, беа објавени во рецензираното списание Psychopharmachology. Сите 12 испитаници кои учествуваа во пилот студијата беа возрасни лица низ спектарот на аутизмот, популација која има заедничко искуство сериозна социјална анксиозност.

Спонзорирана од страна на мултидисциплинарната асоцијација за психоделични студии ( Multidisciplinary Association for Psychedelic Studies  - MAPS ), студијата наиде на значајни и трајни намалувања во појавата на социјалната анксиозност по само две сесии на психотерапија во која што се користи и МДМА, покрај дополнителни и интегративни сесии без МДМА. Студијата исто така ја демонстрираше и безбедноста на ограничена доза на МДМА контролирана од страна на терапевти. Во оваа студија, психотерапијата во која се користи МДМА, нема намена да се користи за лекување на аутизмот, туку за социјална анксиозност кај возрасни лица со аутизам.

Докторот, кој што ја лекуваше зависноста од хероин со хероин

VICE  направија интервју со Др. Кристиан Платнер, кој сака да охрабри што повеќе медицински специјалисти да користат диаморфин во лекувањето на тешки зависности.
 
Др. Платнер заедно со неговите колеги, лекуваат корисници на дрога со контролирана доза на диаморфин, најчистата форма на хероин. Нивната цел е да им се пружи помош на оние со лица кои се соочуваат со тешка зависност да живеат нормален живот, така што ќе им даваат мала, мониторирана доза од дрогата, надежно дека со тоа истите тие луѓе ќе бидат обесхрабрени да ја набавуваат  дрогата од улицата.
 
Во Германија  постојат десет вакви центри, кои користат диаморфин како форма на лекување, кој може легално да се дава само на лица кои се соочуваат со тешка зависност. Ова се корисници на дрога, постари од 23 години и кои се зависни од хероин во последните 5 години. Пред да може некој да се лекува со овој третман, треба претходно да биде дијагностициран со сериозна физичка или психолошка состојба, и веќе да имале два обиди за лекување на нивната зависност пред да можат да примат добијат диаморфин.


Обука за „Организациски развој и системи за обезбедување квалитет во граѓанските здруженија“

Од 26 до 28 септември 2018 година во Охрид се одржува обука за „Организациски развој и системи за обезбедување квалитет во граѓанските здруженија.“

Оваа обука е прва од серијата обуки за одржливи здруженија на граѓани и овозможува преглед на сите елементи од клучните предизвици со кои се соочуваат здруженијата на граѓани при своите напори за создавање креативна, доверлива и професионална структура. Обуката ја организираат и ја спроведуваат Македонскиот центар за меѓународна соработка и Балканската мрежа за развој на граѓанското општество од Македонија и Центарот за информациски услуги, соработка и развој на здруженијата на граѓани од Словенија.

Учесници од ХОПС на оваа обука се Вања Димитриевски и Васка Колевска Костовска.

ОТВОРЕН ПОВИК ЗА ДОДЕЛУВАЊЕ НА МАЛИ ГРАНТОВИ

Мрежата за социјално зајакнување на млади во ризик (ARYSEN – At Risk Youth Social Empowerment Network) со поддршка од Европската унија објавува:

ОТВОРЕН ПОВИК ЗА ДОДЕЛУВАЊЕ НА МАЛИ ГРАНТОВИ

Целта на отворениот повик е да придонесе за подобрување на социјалната инклузија на децата и младите во ризик во Македонија, Црна Гора, Албанија, Босна и Херцеговина, Србија и Косово преку зајакнување на улогата на граѓанските организации (ГО) во обезведувањето на услуги и унапредувањето на локалните и националните политики и практики, или поспецифично:

  • Зајакнување на капацитетите меѓу релевантните чинители и ГО за работа со деца и млади во ризик, пред сѐ деца и млади кои употребуваат дроги, кои се во конфликт со законите, кои доаѓаат од семејства кои употребуваат дроги или имаат конфликт со законите, кои се без родителска грижа, деца и млади на улица, како и деца и млади Роми;

  • Воспоставување, одржување, проширување или подобрување на услугите достапни за децата и младите во ризик поврзани со социјална заштита и инклузија, образование, вработување, здравствена зашита, безбедност, еднаквост, почитување на права и пристап до правда;

  • Подобрување на пристапот до податоци и унапредување на свеста, политиките и практиките за социјално вклучување на децата и младите во ризик на локално или национално ниво.

Преку отворениот повик ќе бидат доделени вкупно 210.000 евра, односно 35.000 евра во секоја од земјите во регионот.

Pages