Алтернативна Арт Медитација преку боење е една од алатките која активно се користи во рамките на  Креативните работилници во ХОПС – Опции за здрав живот. Овој тип на алтернативна арт медитација на учесниците им помага да се нурнат длабоко во себе, да се запознаат себе си и да создадат комуникација внатре во нив самите од друг агол неоптеретени од секојдневието кој отвара простор за хармонија и креативен израз.

Боењето не е официјална уметност, но е одлична тераписка алатка која на едноставен и забавен начин води до хармонизирање на телото и духот. Боењето како интерактивно дејствие ни отвара простор за креативен израз, ни помага да се ослободиме од стрес, да ја разбудиме креативноста и по едноставно да ја препознаеме и изразиме споствената емоција.

Доколку се справувате со емотивен стрес или едноставно имате потреба од креативно изразување / хоби кое ќе ве опушти, Алтернативна Арт Медитација е вистински избор за исполнување на слободното време во текот на денот во рамките на Д- Фестивал – Дојран. Изработените Паноа од учесниците можат да се изложат.

Овдека можете да го прочитате и ПРИРАЧНИКОТ ЗА ПОСЕТИТЕЛИ на Д- Фестивал.

Благородна Коцева Симјанов e Фацилитатор на креативни работилници во рамките на ХОПС – Опции за здрав живот. Во 2007-ма година има завршено Ликовната академија во Софија, на отсек Мода. Од дипломирањето до сега е активен учесник во бројни уметнички проекти во земјата и странство како изработка на костими, сценографија, дизајн за балетски и детски претстави и др. Веќе 4 години е активна во Мултимедијалното здружение „Сенки и Облаци‘’, и е дел од организацијата на Интернационалниот детски фестивал на театар на сенки „Сонот на облачето”. Под уметничкото име Roxenn успешно креира и твори како самостоен уметник.

ХОПС – Опции за здрав живот во рамките на Музичкиот Фестива Д Фест, што ќе се оддржи од 14 – 16 јули 2017 година во Дојран ќе учествува со тим составен од 5 члена.  На фестивалот тимот активно ќе учествува во програмата на фестивалот „Aктивниот Саем” со Интерактивна инфо-едукативна работилница „Дроги во контекст на Музички Фестивал” и со креативна работилница со Алтернативна Арт Медитација.

Активностите се со врееметраење од 6 часа кои ќе се одвиваат на простор предвиден за таа намена со сите технички потребни помагала. Во рамките на овие активности ќе се направи презенетација на организацијата, ќе бидат дистрибуирани инфо-едукативни материјали и на располагање ќе биде тимот за дополнителни информации во врска со активностите на ХОПС и заинтересирани посетители ќе можат да се запишат на листа на волонтери кои би се вклучиле во понатамошни едукации и обуки.

* Едукативна дебата за користење и злоупотреба на дроги и психоактивсни средства на фестивали 16-ти јули // 12:00-14:00.

* Арт Медитацијa - Медитативна активност 16-ти јули // 14:00.

Целата програма на фестивалот можете да ја видите овде http://dfestival.mk/.

Здружение ХОПС- Опции за здрав живот Скопје отвори повик за позиција: Консултант/и за човечки ресурси.  Како здружение имаме потреба од консултантски услуги во областа на менаџирањето со човечките ресурси и анализа и предлог за нова  организациска структура.  Ангажманот на консултантот/тите би бил на определено време од 15 август до 15 октомври 2017 година.
 
Од ангажаираниот консултант/ти се очекувани следните резултати:
1.  Анализа на организациска структура и постоечки човечки ресурси.
2.  Анализа на потреби од човечки ресурси согласно организациската стратегија и приоритетите.
3. Предлог структура на човечките ресурси во ХОПС за периодот 2018-2019 година.
4. Препораки за јакнење на капацитети на човечките ресурси на краток и долг рок.
 
 Потребни квалификации и карактеристики:
- ВСС од област на менаџмент.
- Минимум 5-годишно работно искуство во менаџмент на човечки ресурси.
- Минимум 3-години искуство во работа со здруженија на граѓани.
- Претходно искуство во изработка на анализи за управување со човечки ресурси и за јакнење на човечкиот капитал.
- Работа под притисок и кратки рокови
 

8 години откако Индонезија го донесе својот најнов закон за дрога, Законот бр. 35 од 2009 година за наркотици. Овој закон ја криминализира употребата на дроги и малите количини на поседување на дроги, а исто така ја вклучува и смртната казна како крајна казна за производство и продажба.

Криминализацијата на луѓето кои користат дроги резултира со пренатрупаност на населението во затворите во Индонезија. Од донесувањето на законот, затворската популација е зголемена од 140% капацитет во 2012 година на 174% во 2017 година.

Администрацијата на претседателот Јоко Видодо,  егзекутира луѓе обвинети дека се трговци со дрога. Севкупно, оваа администрација извршила егзекуција на 18 лица (6 на 18 јануари 2015, 8 на 29 април 2015 година и 4 на 29 јули 2016 година). Од тие 18, само 3 се индонезијци, а останатите се странски државјани. За време на предизборната кампања, пред да биде избран во 2014 година, Јоко Видодо честопати бил критикуван од неговиот (поранешен воен) политички противник поради тоа што не беил доволно храбар да биде претседател на Индонезија. На партискиот конгрес, Јоко Видодо со гордост тврдел дека овие убиства докажале дека тој е храбар лидер.