JWH-018 - Синтетски канабиноиди

JWH-018 - Синтетски канабиноиди (Синтетички марихуана, спајс, билна мешавина, хербални ароматизери, легал хајс) се нови психоактивни супстанции (НПС), истражувачки супстанции (research chemicals), високо-потентни аналози на природните канабиноиди кои продуцираат субјективни ефекти слични на канабисот. Повеќето синтетски канабиноиди се аналози на Δ9-тетрахидроканабинол (ТХЦ) кои често се продаваат како легална алтернатива на канабисот означени како „Legal Highs“ (Легални дроги).

Синтетските канабиноиди првично биле синтетизирани во 80-ите години од минатиот век, а се наоѓаат во форма на прав и обично се прскаат врз мешавина од билки за да изгледа како канабис, а се користат со пушење и голтање, но во продажба се и во форма на чист прав преку „дарквеб” (darkweb), онлајн продавниците и смарт шоповите.

Популарни билни мешавини кои првично се појавија на пазарот беа брендовите К2 и Спајс, иако денес има голем број на различни брендови. Синтетските канабиноиди често се продаваат како “„„билни ароматизери““ (хербал инсенс) и“ „билни мешавини за пушење” во комерцијални пакувања. Составот на брендираните билни мешавини и дозите најчесто не се декларирани на производите. 

Студенти од Холандија во посета на ХОПС

На 23 мај 2017 година ХОПС имаше чест да прими триесет и осум студенти од Холандија кои се на студиско патување во Македонија, Србија и Косово. Студентите по антропологија од Универзитетот во Лајден, Холандија претходно изразија желба да се запознаат со мисијата на ХОПС, а нам ни претставуваше чест да ги поканиме и да ги запознаеме со нашата работа, но и да размениме знаење и искуства со нив.

Како што самите се изразија, навистина беа воодушевени од работата на ХОПС и од услугите што ги нуди за сексуалните работници и за луѓето кои употребуваат дроги.

„Навистина ми се допаѓа ова што го работите. Вие вршите навистина голема работа овде“, изјави една студентка. 

Нејзина колешка додаде: „Она што особено ми се допаѓа е што немате осудувачки став кон луѓето на кои им помагате, затоа што, знаете, луѓето обучно се осудувачки настроени кон оние кои употребуваат дроги и кон оние кои се занимаваат со сексуална работа“.

Работилница за подобрување на социјалната инклузија и заштита на човекови права на млади лица кои употребуваат дроги

Во периодот од 15.05 до 21.05 во Белград се одржа работилница за подобрување на социјалната инклузија и заштита на човековите права на млади луѓе кои што употребуваат дроги во организација на YODA - (Youth Organisations for Drug Action in Europe)

На оваа работилница присуствуваа претставници од 12 земји, Белград, Лондон, Полска, Романија, Босна, Црна Гора, Словачка, Белгија, Албанија, преставник од Советот на Европа, Бугарија и Македонија, која беше претставена од членови на ХОПС, Катерина, Симона и Радомир.

Симона: На оваа обука се разговараше на различни проблематики, кои што со формирање на групи од различни земји и со споделување на искуства од секоја земја се бараше решение за дадениот проблем.

Канабис

Канабис (марихуана, коноп, трева) е растение кое содржи фитоканабиноиди, од кои се користат исушени цветови и/или листови за рекреативни цели или за подготовка на лекови за медицинска употреба. Има долга историја на медицинска, религиозна, рекреативна и индустриска употреба. Првите податоци за индустриска употреба (облека) на конопот датираат од пред 7000 години п.н.е., додека за медицинска употреба од пред 3000 години п.н.е. во Кина, а понатаму во Индија, Античка Грција и другите делови на светот.

Од почетокот на 20 век, канабисот е предмет на законски ограничувања за поседување, користење и продажба на препарати кои содржат психоактивни канабиноиди. Во моментов канабисот е илегален во повеќето земји на светот, но постои тренд на легализација или декриминализација на медицинската и рекреативната употреба. Според податоците на Обединетите нации од 2014 година канабисот е најкористена илегална ПАС во светот, а 4% на возрасно население на светско ниво користи канабис рекреативно на годишно ниво.

Документирање на насилство против транс луѓето

По повод одбележувањето на Меѓународниот ден на борба против хомофобијата и трансфобијата (IDAHoT) што се одржа на 17 мај, Transgender Europe (TGEU)а (TGEU) го објави извештајот Анти - транс злосторства од омраза во Централна и Источна Европа и Централна Азија“.

Извештајот претставува резиме на случаи собрани од Transrespect TGEU, наспроти трансфобија во светот и ProTrans партнерите на проектот во 2016 година. Се откриваат 141 евидентирани кривични дела од омраза во 12 земји, пријавени од страна на девет граѓански организации, повеќето извештаи доаѓаат од Турција (86).

Теренска посета на сервиси за ХИВ


Во контекстот на националното стратешко планирање за ХИВ 2017-2021 Платформата за одржливост на сервисите за превенција и поддршка на ХИВ организираше еднодневна посета на дел од сервисите за ХИВ кои граѓанските организации ги спроведуваат.

Посетата се одржа на 16 мај 2017 и беа посетени Центарот за размена на стерилна опрема за инјектирање помеѓу лица кои инјектираат дрога на здружението Healthy Options Project Skopje (ХОПС - Опции за здрав живот... и Националниот центар за ЛГБТИ на здружението ЕГАЛ. Овој настан беше наменет за експерти од различни сектори и инситутции кои се вклучени во националните процеси за ХИВ. Потребата од запознавање со работата на сервисите кои граѓанските организации ги спроведуваат беше препознаена и поддржана од претставници на Mинистерството за здравство, Институтот за јавно здравје, донаторската заедница, пратеници, лекари и граѓанскиот сектор.

Синтетички канабиноиди во Европа

Синтетички канабиноиди претставуваат најголемата група на супстанции кои се следат во моментов во Европа од страна на EMCCDA преку Системот за рано предупредување на ЕУ. Актуелните сознанија на овие супстанции и трендови во производството, достапност, употреба и штетите се презентирани во оваа анализа.

Синтетички канабиноиди се група на супстанции кои го имитираат ефектите од (-) - транс-Δ9-тетрахидроканабинол (ТХЦ), која е супстанца која е главно одговорни за големи психоактивни ефекти на канабисот. Бројот на синтетички канабиноиди, нивната хемиска разновидност и брзината на нивната појава ја прават оваа група на соединенија особено предизвикувачки во поглед на откривање, следење и реагирање.

Малку се знае за тоа како работат овие супстанции и нивните токсични ефекти кај луѓето. Сепак, нивната употреба предизвика многу сериозни труење, па дури и смрт - понекогаш се манифестира како појава на масовно труење.

Оваа анализа има за цел да обезбеди ажурирање на тековните сознанија на овие супстанции и нивните ефекти, како и трендови во производството, достапност и употреба, продажба.

Истражувањето може да го прочитате ОВДЕ.

Сексуалната работа наспроти трговија со луѓе - Што е разликата?

Од страна на некои терминот “трговија со луѓе“ се користи за да се опише сексуалната работа. Што е навистина разликата помеѓу трговија со луѓе и сексуалната работа?


• Сексуалната работа е работа. Трговија со луѓе е кривично дело.

• Сексуалната работа е еден вид на работа. Трговија со луѓе, од друга страна,  претставува еден вид на миграција.

• Трговија со луѓе е поврзана со должничко ропство, живеење во услови слични на ропство, принудна работа и ограничување на слободата. Сексуалната работа  е резултат на слободна волја и личен избор.

• Сексуалните работници се решаваат да започнат со сексуална работа заради најразлични причини, но клучната разлика лежи во тоа што тие доброволно ја избрале сексуалната работа помеѓу различните опции кои им биле на располагање . Лицата кои се жртви на трговија тоа го прават како последица на принуда или измама.

• Сексуалните работници се работници. Жртвите на кривично дело се тужители во можна кривична постапка.

Членови на националната комисија за ХИВ во посета на ХОПС


Во контекстот на националното стратешко планирање за ХИВ 2017-2021, Платформата за одржливост на сервисите за превенција и поддршка на ХИВ организира еднодневна посета на дел од сервисите за ХИВ кои граѓанските организации ги спроведуваат во рамки на проектот „Одржување на ниска преваленца на ХИВ во Македонија“ на Министерството за здравство, а поддржан од Глобалниот фонд за борба против СИДА, туберкулоза и маларија.

На 16 мај 2017 во 10:00 часот членови на националната комисија за ХИВ ќе ги посетат стационарните центри на ХОПС и ЕГАЛ лоцирани во Скопје. 

Во рамки на овие посети претстставници на националната комисија за ХИВ ќе се запознаат со услугите кои ги нудиме како организација. Членовите на комисијата ќе направат преглед на постигнувањата, процесите на давање на услугите, внатрешните протоколи и процедури и ќе се води кратка дискусија.

25-та меѓународна конференција за намалување на штети од употреба на дроги

Вчера во Монтреал, Канада започна 25та меѓународна конференција за намалување на штети од употреба на дроги. Ова е двогодишна конференција на која учествуваат преку 1000 учесници од целиот свет, а главна цел е да се поттикне подржувачка околина за програмите за намалување на штети. На самото отварање долгогодишните партнери на ХОПС,  Peter Sarosi и Istvan Gabor Takacs  познати  по веб порталот Drugreporter и нивното долгогодишно видео застапување,  ја добија наградата International Rolleston Award. Оваа награда се доделува на една личност,  во конкретниот случај на тим  заради нивниот придонес за намалување на штетите од употреба на дроги на меѓународно ниво. 

Pages